LIA MENON BA JUVENTUDE TIMOR LESTE

LIA MENON BA JUVENTUDE TIMOR LESTE

Agora ita nia Rai Timor Leste ukun a’an tiha liu Tinan 12 ona, maibe ita hare ba Juventude Timor Leste, agora seida’uk hatene atu aproveita tempo di’ak ida ne’e, hau husu ba juventude Timor Leste, ita Juventude agora ne’e ema dehan ita Oportunista, ne’e los duni, maibe oinsa ita atu hadia ita nia aan sai oportunista ida ne’ebe di’ak atu ema labele sente ita ne;e oprtunista, oportunista ida ne’ebe di’ak la’os atu aproveita de’it bu’at ne’ebe di’ak maibe tenki buka hatene oinsa atu apoveita diak Oportunidade ne’e hodi halo netik buat ruma ba ita nia rai doben Timor Leste ou kontribui netik ita nia Rai.

Atu kumpri ita nia Rai la’os dehan katak ita sai to’o Presidente ga Primeiro Ministro, Hau bele dehan simples deit katak, Juventude ne’ebe mak hatene a’an atu kumpri nia posisaun hanesan Estudante ne’e mos hau dehan kumpri ona nia dever nudar Timor Leste nia oan. Ita hotu Timor oan, timor hanesan Aihun bo’ot ida mak foin moris, hakarak atu hare ita nia aihun ne’e iha mahun nebe’e diak mai ita entaun ita tenki kontribui be’e atu rega nafatin para ita nia aihun ne’e iha mahun diak nafatin para ita moris haksolok iha ita nia Ai hun nia okos.

Uluk ita nia Inan Aman sira sei servisu iha loron matan hodi buka aihun bo’ot ne’e mai ita oan sira,agora ita sira nee halo oin sa para aihun nee sai aihun ida ne’ebe mak di’ak iha aihun sira seluk nia let, maske ki’ik oan maibe ita nia hakarak mak matak nafatin.

Atu kumpri buat hirak nee laos fasil ba ita, maibe iha dalam ne’ebe naruk no hasoru dejafiu barak, ita ema la moris do’ok husi dejafiu, maibe atu kupri ita nia dever ita tenki pronto atu hasoru saida deit maske todan ba ita, rai ne’ebe furak mak rai ida ne’ebe nia ema hatene buat diak, ai-hun neebe furak mak aihun ida ne’ebe nia nain sempre fo atensaun ba nia iha tempu saida deit.

Ikus mai hau hakatak atu fo lia menon ba maluk juventude tomak neebe agora dadaun hakarak foo nia kontribuisaun ba ita nia rai doben timor leste katak ita foo kontribuisaun ba ita nia rai laos ita tenki halo buat neebe boot, maibe ita juventude tenki buka hatene buat diak hodi fahe ba malu mos ita kota kontribui ona ita nasaun. Estuda deit maluk sira, keta tauk hasoru dejafiu.

Estuda laos resultado final maibe prosesu.

Ho kosiensia ita bele hatene buat ruma.

HUSI:

“BENIGNO AQUINO CAMPOS”

“LOSPALOS/ASSALAINO “

TEKNIK INFORMATIKA (IT)

“IOB 2014”